Җаңһрин баатрмуд бат арвн хойр номин
Авшг авлдгсн бәәдг.

Тиигҗ суутл,
Эзн богдын адуч
Шар Маңһс орад ирв,
Эзн богд үлдән суһлв:
- Дән! - гиҗ келв,
Дәкн шаңнсв,
Зеерд аду хулха авб! - гиҗ
Бичкә келич!
Маңһс харһцад унад одв.

Зүүни аңхнас
Зүүдн Улан Хоңһр
Маңһсиг өндәлһәд авб,
Эмнгүдин үсн -
Әлвг улан арзас
Далн хойр өгәд,
Учр-юһинь сурв...
Маңһс келв:
- Асхни алднд
Аршан Цаһан теңгстән услад,
Арта Цаһан уульш тальвуһар
Тарад һарла.

Өрүн нарн һархла,
Долан түмн гүүтә,
Дунд Зеерд аҗрһта
Адуһан ядв би.

"Күчн уга бирмн авгсн уга,
Күчтә бирмн авб билтә",- гиһәд,
Көл җиилһл уга,
Көөрк Җаңһрт
Зәңг өгсв, - гиһәд ирв би.

Эзн богд нойн
Күңк цаһан ухань
Будн болад,
Күнд зандн толһань
Дүүң болад одв.

[<<][<] [1] [2] [3] [4] [5] [>][>>]