- Аль Бумбин орни көвүд та? - гиҗ сурв.

- Алтн Гүргү хаани көвүд бидн,
Агтын тарһнд һазр таний гиҗ
Йовна бидн,- гиҗ келв.

Шавдл келв:
- Танас нег эл болх
Зольв сурий:
Баатр Җаңһр гидг
Күм алдулад кедү сар,
Кеду җил болсинь
Медх бишв.

Баатр Җаңһр гидг күн
Йовна гих зәңг
Соңссн болвза та? - гив.

- Уга, бидн тиим юм
Соңссн уга бидн,- гив.

Үүднд суугсн хоҗһр көвүн келв:
- Эзн уга нутгин кенәннь неринь авхв?
Хәрий! - гив.

Арвулн мордад һарв,
Кесг цагтан зүүләд йовна.

Алтн Гүргү хаани нутгт
Күрәд ирнә.

Алтн Гүргү хаани өргәд
Эмнгүдин үсн
Элвг улан арзин сүүр болад,
Нирглдгсн бәәдг.

Тедү аңхн дунд
Баатр Җаңһр мөн кевтән тохрв.

Арнзл Зеерд
Мөн кевтән тохрв.

[<<][<] [13] [14] [>][>>]