Көвүн хойр сахан ханцлад, һарад одв;
Һурвн түшмлин көвүнд ирәд,
- Ахнр, ахнр, мөрәтәднь
Җилвтҗ бәәнәв. Би нааднав! - гив.

Ик түшмлин көвүн келв:
- Хоҗһр тарха көвүн, җили!
Чамла наадхшвидн! - гив.

Дунд түшмлин көвүн келв:
- Наадыг бидн һарһгсн ута,
Заңга бәәдг наадн,
Нааднас кү көөдг уга,
Көвүн, наад! - гив.

Көвүн хойр сахан хаяд өгв.

Хойр сахнь тусх саамднь тусад,
Көвүн алдл уга хаһад,
Ик түшмлин көвүнәс
Арвн тергн алт шүүв;
Дунд түшмлин көвүнәс
Зурһан тергн алт шүүв;
Баһ түшмлин көвүнәс
Һурвн тергн алт шүүв.

- Мөрә олн цүүгәтә болдг биший,
Мөрәһән хайтн! - гиһәд,
Шаһаһинь хамҗ авад һарв.

Ик түшмлин көвүн:
- Учр әс медх күүнлә наадхнь,
Иигәд цүүгән болад бәәдг билә! - гиһәд,
Нег шааһад авб.

Баһ түшмлин көвүн
- Шаһаһм нәәр! - гиһәд,
Нег шааһад авб.

Дунд түшмлин көвүн:
- Күүнә мөрәһинь өгл уга,
Кү гүвдәд бәәдг юмт? - гиһәд,
Хәврһднь хәләһәд зогсв.

Эн хоҗһр көвүн
Ик түшмлин көвүн
Баһ түшмлин көвүн хойриг
Гүвдҗ оркад,
Алтн Гүргү ха темцәд гүүв.

Хаанд ирәд медүлв:
- Тана нутгт нанас үгә
Күмн ута.
Нанас өнчн күмн уга.

Ик түшмлин көвүнәс
Арвн тергн алт шүүв би,
Дунд түшмлин көвүнәс
Зурһан тергн алт шүүв би,
Баһ түшмлин көвүнәс
Һурвн тергн алт шүүв би.

"Терүгим өгтн!" - гихлә,
Хойр түшмлин көвүн
Бийим гүвдәд оркв.

Энм худл болхнь,
Дунд түшмлин көвүн герч,- гив.

Хан дунд түшмлин көвүг
Наар гилгәд авб.

Хан зәрлг болв:
- Ән хоҗһр көвүнә
Эннь үнн би? - гиҗ сурв.

- Үнн! - гив, Хан зәрлг болв,
Дунд түшмлин ковүнд келв:
- Тер арвн йисн тергн алтынь
Чи хуран күцэҗ өг! - гив.

Дунд түшмлин кевүн
Асхни үдин алднд
Тер тергн алтн болдгинь авад өгв.

Тер хоҗһр көвүн
Дунд түшмлин көвүнлә
Нәәж болад, зурһан тергн
Алтан авл ута тәвҗ өгв.

[<<][<] [9] [10] [11] [12] [13] [>][>>]