- Эн моһаһитн кен алв,
Ю кесәр әмд бәәвтә?
- Ээҗ, чи идәд оркхч,
Әмд бидн зааҗ өгхий бидн.
- Ачд ач кегсн,
Туст тус кегсн көвүг
Би юңгад идхув?
Һурвн күүк һарһад өгв.

Хан һәрд кевүнд келв:
- Җилин һурвн күүк һарһдг биләв,
Тер күүкдм
Җил болһн эн моһа иддг билә,
Көвүн, ода нанас
Дурта һурвн юман ав,- гив.

Көвүн келв:
- Дорд Бумбин орни
Догшн Җаңһр гидг күн биләв,
Намаг дорд орнд буулһит,- гив.
Хан һәрд күмсән батлҗ авад,
Җаңһриг деерән суулһад,
Доргшан деләд, нисәд һарв;
Бас кесг нисәд окв,
Күмснь чилэд, бийнь түрәд,
Әрә гиҗ,
Дорд орнд күргв.

Дорд ориас хан һәрд
Күмсән батлҗ авад,
Җаңһрт келв:
- Деед орнд
Нег хан һәрд эгч мини бәәдг,- гиҗ йов,
Дорд орнд
Би нег Җаңһр дү бәәдг,- гиҗ,
Санҗ йовсв,- гиһад,
Деегшән нисәд одв.

Җаңһр түүнәсн бийнь
Хоҗһр тарха көвүн болҗ хүвләд,
Зеерднь далвгнь уга
Зеерд дааһн болҗ хүвләд,
Алтн Гүргү хаани нутгар
Орад ирв.

Ардк нутган сурхнь,
Нег чигн күн
Җаңһра нутг гих юм медхш,
Арһан барад, Җаңһр
Алтн Гүргин цахрт
Көвүн чигн уга,
Күүкн чигн уга
Әмгн өвгн хойрт
Көвүн болад бәәв,
Әмгн өвгн хойр
Өдр дундан һурв таалад бәәнә...
- Ээҗ, ээҗ, цахр эргж
Һарч наач йовнав,- гиһәд,
Һарад гүүв.

Гүүҗ йовн гихнь,
Ик түшмлин көвүн,
Дунд түшмлин көвүн,
Баһ түшмлин көвүн һурвулн
Сахин нег алтар
Нәәрмцҗ бәәнә.

Көвүн гүүһәд, хәрәд ирв,
Аавдан келв:
- Һурвн түшмлин көвүн
Сахин нег алтар
Нәәрмцҗ бәәнә.

Мини нег хөв угав?
Мини нег селгән угав?
Түүнлә нааднав! - гив.

- Юмн тесҗ наач болх
Юмн биш, бичкэ наад! - гив.

Ээҗнь келв:
- Күүкнәннь дүр бичкә хәрүл!
Оч наад! - гив.

[<<][<] [9] [10] [11] [12] [13] [>][>>]