Дег мµњгн делтр тальвб,
Дегц мµњгн тохм тальвб,
Дµш мµњгн эмєл тальвб,
Зуурлдгч зуран экинь
Зуућин шар алтн худрћ
Г‰вдєд унв.

Шур сєєхн с‰‰линь
Сеглђ бєєћєд,
Зуран хар мах дахулв;
Турмин алтн кµвцг тальвхдан
Туњ долан мињћ цокад,
Ке хµрн тавн тµдгтє татурар
Кµкиг чишктл татв.

Єк ђирн зурћан олњгиг
Дарцг цаћан єрвњ
Тасртл татв.

Лањ шар алтн омрувчиг
Далн хойр шар алтн товчинь
Далын хар бєргр махнд
Дєєвлтл татад товчлв,
Бумбин Улан Хоњћрин ‰‰днд церв‰лв.

Бумбин Улан Хоњћриг
Эвинь олђ хувцлв.

Эрвњ нертє киилг,
Эрднь хул б‰шм‰д зооглв,
Дµш цаћан биизєн зооглв,
Т‰‰ни цућариг дарулгсн
Далн мµрни ‰нтє
Б‰кр луудњ б‰сєн б‰слв.

Намчин нег µрк ‰нтє
Намђл торћн альчур
З‰н таша деерєн зооглв.

Зун нєємн давхргта
Зулг башмг ћосн
Зууза деернь миимлзєд;
Ћунн царин арсар ћоллгсн,
Дµнн царин арсар девллгсн,
Талта тавн мињћн цаћан тасмта,
Тавн мињћн бµкин кµв‰н
Селн-селн шахад г‰ргсн,
Ћору ћазр цаћан мµњгєр товчлгсн,
Дµр‰ ћазр цаћан мµњгєр альхлгсн,
Нєєтг залу занднла харћулђ ишлгсн, Иш маля хойр зоклцгсн маля
Барун ћартан бєрєд,
К‰рд зандн эрк алхад ћарв;
К‰сгсн Кµк ћалзн к‰лг
К‰рл мµњгн дµрє µгєд чичрв,
К‰рл мµњгн дµрєд
К‰др алтн тах
К‰рхин алднд
Илв йирн ђува бухад одв.

Дасгсн Хоњћр
Турмин алтн кевцг деерєн Тогляд тусв;
Бум ђува бурхнаћан
Эргн бульгад одв;
З‰н аминь нућлад,
З‰н µвдг деерєн авад,
Барун аминь нућлад,
Барун µвдг деерєн авад,
Бамбр зандн µргєг
Барун ам дарад ћарв.

Арг Улан Хоњћрин
Ємн дундан хадћлгсн
Елдњг‰дин ћурвн мињћн бодњ
Елдњ баатр Хоњћран дахад
Шиигєд ћарв,
Шикрл‰ћєн ‰р‰дєд ћарв;
Эњгин ћурвн мињћн баатрас
Ээмцєћєн ‰л‰ ћарад,
Эњклзєд йовна,
Эњгин ћурвн мињћн к‰лгєс
Элвг Кµк ћалзн к‰лг
Арслњ цаћан чееђицєћєн ‰лєд µлкадєд,
Шикрл‰ћєн ‰р‰дєд ћарв.

Зу зандн ћолан ‰р‰дєд орв,
Єср Кµк ћалзн
Арин ћурвн мињћн баатрас
Алдулхан санв.

Хадын чолун турун
Мµлтртл девсњнєд,
Хала моњгн ууд
Дµлртл µлкєдєд бєєв.

[<<][<] [9] [10] [11] [12] [13] [>][>>]